යැපුම් ආනයන ආර්ථිකයකින් මිදී නිෂ්පාදන ආර්ථිකයක් කරා යෑම පිළිබඳව වන සාකච්ඡාවක් පසුගියදා කෘෂිකර්ම අමාත්යංශයේදී පැවැත්විණි.
ඒ කෘෂිකර්ම අමාත්ය මහින්දානන්ද අලුත්ගමගේ මහතාගේ ප්රධානත්වයෙනි.
මෙරටට ආනයනය සඳහා විශාල මුදලක් වැයවන අල, ලූණු සහ මිරිස් යන භෝග ඒ ඒ දිස්ත්රික් මට්ටමින් වගා කිරීම පිළිබදව මෙහිදී විශේෂ අවධානය යොමුව තිබේ.
ඒ සඳහා කෘෂිකර්ම දෙපාර්තමේන්තුවේ තාක්ෂණික සහාය සහ රජය මඟින් සහනාධාර ලබාදීම පිළිබඳව සාකච්ඡාවට ලකිවිණි.
සෞභාග්යයා කෘෂි ගම්මාන, තරුණ ගොවි සමාජ, සෞභාග්යයා ගෙවතු වැඩසටහන් පිලිබදව මෙහිදී අවධානය යොමු වූ බව සදහන්.
එමෙන්ම, කාබනික පොහොර නිෂ්පාදන වැඩසටහන්, අතරමැදි කන්නයේ මුං ඇට වගාව සහ දේශීය අල වර්ග ව්යාප්ත කිරීම යන ව්යාපෘති පිළිබඳව මෙහිදී දීර්ඝව සාකච්ඡාවට ලක්විණි.
මීට අමරව මිරිස් භෝගයට වැළඳෙන කොල කොඩවීමේ රෝගය නිවාරණය සහ සත්ත්ව හානි අවම කරගැනීම පිළිබඳව අවධානය යොමු වී ඇති අතර ඒ සඳහා නවීන තාක්ෂණික ක්රම භාවිතය පිළිබඳ සාකච්ඡා කර තිබේ.